Bisnis Mentoring


business-mentoring

“Wanem we mifala nidim blong mekem bisinis i go undap”- Hemi toktok blong wan we hemi gat Janis blong ol Bisnis Mentoring Prokram hemi helpem hem

Sapos yu wantem blong gat wan help we yu no pem long wan man or woman we hemi gat save blong hao blong ranem bisnis mo tu hemi statem bisinis blong hem plante yia finis we hemi save kontribut long bisnis blong yu?

Vanuatu Chamba blong Commerce mo Industri i kodinatem Pasifik Bisnis Mentoring Prokram long Vanuatu. Prokram hemi providem profesonal bisnis mentor blong Niusilan long olgeta lokal bisnis wetem man mo woman we oli wantem usum sevis blong olgeta.

Olgeta mentor bae oli visitim ples blong ol bisnis man mo woman blong lukluk olsem wanem oli mekem bisnis blong olgeta. Mo tu oli kam blong trenam olgeta long hao blong luksave fiuja blong bisnis mo manejem ol mani we oli mekem evri dei. Prokram hemi providem fri help long ol bisnis we oli wantem grow. Tankio i go long Niusialnd Aid blong save mekem wea blong yumi gat janis blong gat prokram olsem ia long Vanuatu.

Pasifik bisnis mentoring prokram hemi bin stat long yia 2011 finis mo hemi sapotem bitim aeti bisnis long Port Vila mo Santo. Ol tingting blong ol man mo woman we mifala bin gat afta long wan survey we I bin soem se klosap naiti aet pasent blong olgeta oli gat taem blong usum prokram ia oli impruvum bisnis blong olgeta bigwan.

Yumi gat tu janis blong save havem opotuniti blong karem asistan long prokram ia long wan yia. Olgeta long VCCI oli enkaregem olgeta smol bisnis blong oli fulumap fom mo aplei blong gat janis long prokram. Mo tu hemi gat tu presentasion long wan yia.

Bisnis blong mi hemi save tekem part long prokram ia o no?

Hao nao bae mi save aplei?

Sapos yu interes long prokram o gat sam tingting we yu no klia long hem, yu save kondaktem Mrs. Mereisi Shem we hemi Maneja blong Bisnis Divelopmen Sevis long mstraining@vanuatu.com.vu long email blong hem o kolem telefon namba 27543 3 ext 22.

Yu save visitim website blong Pasifik Bisnis Mentoring long: Pacifik Bisnis Mentoring.

 

 

Bisnis blong mi I gat janis o no?

Bisnis mentoring i providem olgeta mentors we oli part blong olgeta sekta blong ekonomi olsem ia:

  • Turisum
  • Eko Turisum
  • Agrikalja
  • Salem ol lokal prodak i go long ofisi maket
  • Ol lokal prodak mo sevis we yumi jenjaim wetem ol samting we yumi karem i kam long ofisi
  • Indastri blong planem lokol kaikai mo salem i go long ofis
  • Indastri blong lukluk long saed blong ol samting we oli lif long solwota
  • Sevis Indastri
  • Manufakjarinin

Hemia nao ol criteria we bisnis oli save tekem part long hem:

  1. Bisnis i stat blong sis manis finis mo tu hemi wan hemi gat histri blong treid blong hem
  2. Yu bos blong bisnis mo manejem olting blong kampani
  3. Owna hemi mas komitim hem long wan yia long prokram
  4. Owna hemi mas komitim hem blong providem ol ansa or ripot blong hapi blong hem long wan survey oltaem

 

 

Hao nao bae mi save aplei?

Yu save aplei usum online sevis we oli providem o kondaktem Vanuatu Chamba blong Commerce mo Industri blong karem wan fom.

Sapos yu wantem aplei online:

  1. Komplitim aplikeison fom online long application form online
  2. Aplikeison blong yu bae kam stret long VCCI
  3. Sapos aplikeison blong yu I stret bae ol kodinata oli putum yu wetem wan Mentor/Trena we bae hemi stret long bisnis blong yu
  4. Kodinaita hemi bae telem long yu stret ol infomasen we hemi stret long tingting blong yu
  5. Taem blong we bae yu spendem wetem trena blong yu hemi wan yia